Hvorfor ble du utvikler? 👶
Eg skulle ønske eg kunne sei at eg alltid har vore interessert i koding, men sannheita er at eg knapt visste kva det var før eg byrja å studere informatikk. På vidaregåande var det få som valgte IT som valfag, og eg trur mykje av det var på grunn av dårleg marknadsføring av faget. I ettertid har eg tenkt at det er synd, men samtidig er eg takknemleg for at vegen likevel førte meg inn i IT-verda.
Då eg skulle velge utdanning, hadde eg ingen aning om kva eg ville. Eg var rådvill og rådførte meg med folk rundt meg. Då fekk eg eit råd som eg er spesielt glad for i dag: "Vel ei utdanning som ikkje avgrensar kvar du kan jobbe frå."
Som utviklar har eg privilegiet av å kunne jobbe nesten frå kvar som helst. Sjølv om eg bur i Oslo no, er det betryggande å vite at jobben min ikkje er avhengig av ein storby – særleg sidan eg på sikt ønsker å flytte tilbake til bygda eg har vakse opp i.
Det andre tipset var like viktig – og vanskeleg å ignorere: IT gir gode jobbmoglegheiter og ei trygg framtid. Med desse råda i bakhovudet valgte eg IT, men også delvis av rein nysgjerrigheit. Eg hadde jo endå ikkje prøvd koding, så kvifor ikkje? Eg søkte informatikk ved NTNU, og etter kvart som eg fekk utfordre meg gjennom deltidsjobbar og sommarjobbar, begynte interessa for faget å vekse.
Jo meir eg meistra, jo meir forstod eg kor uendelege mulegheitane er med denne utdanninga. No har eg jobba som utviklar i 1,5 år og kjenner meg takknemleg for både yrket mitt og dørene denne utdanninga har opna for meg.
Hva jobber du med? 💪
Eg jobbar som konsulent i Progit og er for tida tilknytt kunden TaskCtrl – eit produkt som hjelper med å effektivisere prosjektering, bygging og ferdigstilling av bygg og infrastruktur.
I dette prosjektet jobbar eg som fullstackutviklar og scrummaster, der hovudfokuset ligg på vedlikehald samt kontinuerleg utvikling av ny funksjonalitet i høgt tempo.
TaskCtrl er eit produkt fortsatt i startup-fasen, noko eg synest er moro då eg får vera med å ta avgjersler som formar produktet.
Hvordan ser uka ut for deg? 📆
Eg trivest aller best på kontoret, og føler at eg arbeider best med mine team-medlemmar rundt meg til å sparre med og å ta raske beslutningar.
Det kulaste med arbeidsdagen min er at eg får jobbe med mykje variert teknologi. Eg jobbar fullstack med React, Ruby on Rails og Kotlin. I tillegg har me ein mobilapp som er utvikla i Flutter.
Ei veke kan det vera eg jobbar med tilgangskontroll i Ruby, medan neste veke kan det vera ny funksjonalitet i Flutter-appen som står på planen. Å variere mellom ulike typar utfordringar og teknologiar gjer at læringskurva er bratt og ein får mykje god erfaring! I teamet prøver me også å dele litt på ansvar for infrastruktur og sky.
Innimellom får eg bryne meg på oppgåver i kubernetes, noko som er interessant då det er moro å sakte, men sikkert få kontroll på heile kodebasen og infrastrukturen.
I tillegg til utviklarrolla er eg også scrummaster i teamet. Sidan me berre er fire stk, har me eit tett samarbeid og klarer å halde møteverksemda på eit fornuftig nivå.
Som dei fleste andre er eg ikkje fan av unødvendige møter, men når dei er godt planlagde og me held oss til agendaen, tilfører dei langt meir enn dei stjel av tid!
Hva er det neste du har lyst til å lære deg eller bli bedre på? 🧠
Gjennom eit hobbyprosjekt ved bruk av T3-stacken prøver eg å forbedre meg blant anna i Next.js og tRPC, då spesielt Next.js er mykje brukt og derfor greit å kunne.
Utover det har eg veldig lyst å lære meg meir infrastruktur og sky!
Hva er den mest utfordrende situasjonen du har stått i? 👀
Det å halde seg oppdatert som utviklar kan vera krevande då det er ein bransje som er i konstant endring. Teknologiar, verktøy og rammeverk utviklar seg raskt, og det er ikkje alltid lett å vite kva som er verdt å investere tid i å lære.
«Teknologiar, verktøy og rammeverk utviklar seg raskt, og det er ikkje alltid lett å vite kva som er verdt å investere tid i å lære.»
Som utviklar må ein ofte balansere det å å tileigne seg ny kunnskap samtidig som ein må godta at det ikkje er alt ein kan forstå. Det kan vera fristande å grave seg ned i teori og detaljar, men samtidig kan det vera like viktig å vite når ein skal godta at noko er godt nok for no og gå vidare til neste oppgåve.
Det har vore litt krevande å akseptere kor mykje det er igjen å læra men i løpet av den tida eg har jobba har tolmodigheiten min blitt litt bedre, og eg har delvis akseptert at det tek tid å bli god og å holde seg oppdatert.
Hva ser du på som bransjens største utfordring akkurat nå? 🔭
AI vert nemnt så ofte at eg eigentleg ikkje har lyst til å hoppe på det toget, men det er kanskje på tide. Det har blitt eit buzzword – eit begrep som blir kasta rundt utan mykje ettertanke og som kan bety så mangt.
Den verkelege utfordringa ligg i den ukritiske bruken av AI. Teknologien blir stadig oftare implementert ikkje fordi den tilfører reell verdi, men fordi det er blitt ein slags uskriven regel at «alt må ha AI».
Resultatet er ei form for «AI-tretthet, der funksjonalitet vert blir implementert i produkt utan at sluttbrukaren har bedt om det. Mange fryktar nok at dei heng etter dersom produktet deira ikkje har ein AI-komponent, sjølv når det ikkje gir meining. Eit døme er enkle verktøy som fungerer utmerkt på eiga hand, men som no vert påtvinga AI-funksjonalitet – ofte utan at sluttbrukaren opplever noko faktisk forbetring, snarare tvert imot.
Samtidig heng kompetansen litt bakpå. AI-bransjen veks i eit rasande tempo, medan den reelle forståinga for teknologien heng etter. Dette kan føre til blind implementering av verktøy me ikkje heilt skjønar, noko som både svekker kvaliteten på løysingane og øker risikoen for feilsteg innan etikk og personvern.
Som utviklarar har me eit ansvar om å halde holde oss oss oppdaterte for å sikre at me brukar teknologien klokt og at me brukar den der den tilfører nytte.
Hva er ditt beste tips til andre utviklere? 🤖
Eit tips eg vil dele er å ta seg tid til å stikke hovudet opp frå skjermen og dei teknologiane ein brukar dagleg. Eg møter ein gong i blant ei gruppe med andre jenter der me deler erfaring og saman prøver å halde oss oppdaterte. Det er alltid spennande å få nye perspektiv.
Det er lett å bli oppslukt i arbeidsdagen, men å ta eit steg tilbake kan ofte gi nye innfallsvinklar på det ein held på med. Eg blir og ekstra motivert og engasjert etter å ha vore på konferanse eller delteke på faglege events. Dette kan gi motivasjon til å gi jernet på jobb eller ta fatt på noko på fritida di!
Og så er det viktig å ikkje gløyme å ha det moro! Senk skuldrane, og minn deg sjølv på at det å vera utviklar er fleksibelt og kjem med med rom for å lære nye ting, eller berre det å ha det moro med det du allerede kan. Det siste her er nok like mykje ei påmining til meg sjølv.
